தினமும் ஒரு முறையாவது படியுங்கள்.

கீழே கொடுக்கப்பட்டுள்ள அட்டவணையைக் கவனமாகப் படியுங்கள் நீங்கள் எழுபது வயது வரை உயிர் வாழ்வதாக வைத்துக்கொண்டு இந்த அட்டவணை தயாரிக்கப்பட்டிருக்கிறது.

உங்கள் வயது	கழிந்த நாட்கள்	இருக்கின்ற நாட்கள்
20 வயது	7,300 நாட்கள்	18,250 மீதி நாட்கள்
25 வயது	9,125 நாட்கள்	16,425 மீதி நாட்கள்
30 வயது	10,950 நாட்கள்	14,600 மீதி நாட்கள்
35 வயது	12,775 நாட்கள்	12,775 மீதி நாட்கள்
40 வயது	14,600 நாட்கள்	10,950 மீதி நாட்கள்
45 வயது	16,425 நாட்கள்	9,125 மீதி நாட்கள்
50 வயது	18,250 நாட்கள்	7,300 மீதி நாட்கள்
55 வயது	20,075 நாட்கள்	5,475 மீதி நாட்கள்
60 வயது	21,900 நாட்கள்	3,650 மீதி நாட்கள்
65 வயது	23,725 நாட்கள்	1,775 மீதி நாட்கள்
70 வயது	25,550 நாட்கள்	இந்த நாட்களைப் புத்திசாலித்தனமாகத் தான் செலவழித்தீர்களா ?

இதில் முக்கியமான கேள்வி உங்களுடைய வாழ்க்கையில் மீதி நாட்களை நீங்கள் என்ன செய்யப்போகிறீர்கள் என்பது தான்.

ரோமானிய சக்கரவர்த்தியும் தத்துவ ஞானியுமான மார்க்ஸ் அரேலியஸ். கூறியதாவது,

ஆயிரம் வருடம் வாழப் போவதாக நினைத்துக் கொண்டு செயல்படாதீர்கள்

என்று எச்சரித்தார்.

English grammar basics in Tamil – 10

வணக்கம் நண்பர்களே…

என்ன நண்பா present perfect, Past perfect எப்படி என்ன என்று தெரிந்து கொண்டீர்களா, இப்போது நாம் பார்க்க இருப்பது Future perfect எனப்படும். இவை முன்பு பார்த்ததை விட மிக மிக எளிமையானது.

Future perfect tense

present perfect ல் இரண்டு auxiliary verb பார்த்தோம், past perfect ல் ஒரே auxiliary verb பார்த்தோம் அது போன்று இதிலும் ஒன்று உள்ளது. அது Will have எனப்படும். அவை எங்கு உபயோகப்படுத்த வேண்டும் எனப் பார்க்கலாம்.

• will have => i, we, you ,they, he, she, it

ஒரு சிறு குறிப்பு

I,We,You,They,he,she,it + Will have + verb(3rd form)

சரி இந்த future perfect tense யை எங்கு எங்குப் பயன்படுத்த வேண்டும் என ஒரு சிறு குறிப்பு I will have gone to Kashmir by next may / He will have written the letter / They will have gone to Dubai / By next year may, we shall have elections in Tamilnadu என்பன.

Future perfect க்கு மிக முக்கியமான key word – by என்பது, by க்கு பிறகு வருபவை கண்டிப்பாக future யை குறிக்கும் வகையில் இருக்க வேண்டும்.

முன்பு சொன்னது தான், எனக்குத் தெரிந்த வரை past perfect மற்றும் future perfect போன்றவை அதிகம் பயன்படுத்துவது இல்லை. ஆனால் பின்பு ஏன் தெரிந்து கொள்ள வேண்டும் என நினைக்கிறீர்களா, இலக்கணத்தில் தெரியவில்லை என்றால் மற்றவர் பேசும் போது என்ன என்று தெரியாமல் நிற்கக் கூடாது அல்லவா அதனால் தெரிந்து வைத்துக் கொள்ளுங்கள்.

இப்போது 45% வரை அடிப்படை ஆங்கிலம் என்பது தெரிந்து வைத்துள்ளோம். இதில் எப்படி முழுமை அடைவது என்பனவற்றைப் பற்றித் தெரிந்து கொள்வதற்கு முன்பு auxiliary verb யை பற்றி சற்று பார்ப்போம்.

Auxiliary verb

நாம் இது வரை பார்த்தவை

am, is, are, was, were, shall, will

• am – இருக்கிறேன்
• is – இருக்கிறான் / இருக்கிறாள் / இருக்கிறது
• are – இருக்கிறோம் / இருக்கிறார்கள் / இருக்கிறீர்கள்

தமிழில் நீ யார்? என்ற கேள்விக்கு நான் கண்ணன் என்றாலே புரிந்துவிடும்.

ஆனால் ஆங்கிலத்தில் யோசிப்பதாக இருந்தால் எப்படி என்று பார்ப்போம்.

present

• நான் கண்ணன் – I kannan (தவறு)
• நான் கண்ணன் ஆக இருக்கிறேன். – I am kannan (சரி)

past

• அவன் முன்பு குழந்தையாக இருந்தான்.
• he was a child earlier

இது போன்று அதிகமான ஆங்கில வார்த்தை தெரிந்து கொள்ள word power made easy என்ற புத்தகத்தை pdf ல் download செய்து படியுங்கள்.

இது வரை பார்த்தவையே ஒருவர் ஆங்கிலத்தில் interview (அ) நண்பர்களிடம் உரையாடுவதற்கு போதுமானவை. மேலும் நான் மேலே கூறிவுள்ள புத்தகத்தை படித்து பல வாக்கியத்தை உருவாக்கி எனக்கு அனுப்புங்கள். மேலும் இதில் எவையேனும் விடுபட்டால். எனக்கு கருத்து பலகை (Comment) மூலம் தெரிவியுங்கள் மற்றும் உங்களின் வலைப்பூவை (BLOG) எனக்கு மின்னஞ்சல்(Email) வழியாக அனுப்பிவிடுங்கள். மீண்டும் சந்திப்போம்.

English grammar basics in Tamil – 3

வணக்கம் நண்பர்களே…

நான் உங்களிடம் கூறியிருந்தேன் ஒரு படத்தின் கதையை ஆங்கிலத்தில் சொல்ல எளிமையான tense உள்ளது என்று, அது வேறு எதுவும் அல்ல Simple past tense தான். Simple present tense யை விட Simple past tense மிக மிக எளிமையானது, simple present tense ல் நிகழ்காலத்தில் நடப்பனவற்றைப் பற்றிப் பேசி மகிழ்ந்திருப்பீர்கள், அத்துடன் கடந்த காலத்தைப் பற்றியும் உங்கள் நண்பர்களிடமும், உறவினர்களிடமும் பேசி மகிழ இன்னும் சில நிமிடமே உள்ளது.

Simple past tense

முன்பு பார்த்தது போன்றே, முதலில் நாம் பார்க்க இருப்பது தமிழில் உள்ள சிறு வாக்கியத்தை எப்படி ஆங்கிலத்தில் மாற்றுவது எனப் பார்ப்போம்.

• நான் எழுதினேன்
• நீ எழுதினாய்
• நாங்கள் எழுதினோம்
• அவன் எழுதினான்
• அவள் எழுதினாள்
• அது எழுதியது
• அவர்கள் எழுதினார்கள்

இப்போது மேலே உள்ளவற்றில் (நான்,நீ,அவன்,அவள்,அது,நாங்கள்,அவர்கள்) இவைகளுக்கு எல்லாம் ஆங்கிலத்தில் (I, You,He,She,It,We,They) என்ன என்று தெரிந்திருக்கவேண்டும். எழுது என்பதற்கும் என்ன என்று தெரிந்திருக்கவேண்டும். இங்குப் பார்த்தோமானால் இரண்டு வார்த்தை உள்ளது அவற்றை இப்படி எழுதலாமா எனப் பாருங்கள்.

• நான் எழுதினேன் => எழுது + இனேன்
• நீ எழுதினாய் => எழுது + இனாய்
• நாங்கள் எழுதினோம் => எழுது + இனோம்
• அவன் எழுதினான் => எழுது + இனான்
• அவள் எழுதினாள் => எழுது + இனாள்
• அது எழுதியது => எழுது + இயது
• அவர்கள் எழுதினார்கள் => எழுது + இனார்கள்

Simple present tense ல் do/ does என இரண்டை பற்றிப் பார்த்தோம். அதைப்போன்றே Simple past tense ல் did என ஒன்றே போதுமானது.

• நான் எழுதினேன் => I did write
• நீ எழுதினாய் => You did write
• நாங்கள் எழுதினோம் => We did write
• அவன் எழுதினான் => He did write
• அவள் எழுதினாள் => She did write
• அது எழுதியது => It did write
• அவர்கள் எழுதினார்கள் => They did write

இதில் ஒரு சிறு வித்தியாசம் உள்ளது, எப்படி Simple present tense ல் do+write(verb)=>write எனவும் does+write(verb)=> writes என எழுதினோமோ அதைப்போன்றே simple past tense ல் verb க்கு second form என்று உள்ளது அதைப் பொறுத்து Simple past tense ல் பேசவும், எழுதவும் வேண்டும். சற்று குழப்புவது போன்று உள்ளதா அது என்ன என்று கூறுகிறேன், இதுதானா என நீங்கள் நினைப்பீர்கள்.

First Form	Second Form
Write	Wrote
Sleep	Slept
Listen	Listened
Type	Typed
eat	ate
cook	cooked
drink	drank
sit	sat
stand	stood

இது மாதிரி நிறைய வார்த்தைகள் நமக்குத் தெரியும் அந்த வார்த்தைகளுக்கு second form என்ன என்று தெரிந்தால் போதும். இப்போது மேலே உள்ளவை அனைத்தும் உங்களுக்குத் தெரியும், இது போன்று அதிகமான வார்த்தைகள் உங்களுக்கு உண்மையாகவே தெரியும் நான் இப்போது கூறும் வலைத்தளத்தில் சென்று உங்களுக்குத் தெரிந்தவை, தெரியாதவற்றைக் கற்றுக்கொள்ளுங்கள். www.grammar.cl அனைவரும் நினைத்துக்கொள்வது நமக்கு ஆங்கிலம் தெரியவில்லை அதனால் தான் பேச முடியவில்லை என்று அது முழுக்க முழுக்க மூடநம்பிக்கையே. இந்த பக்கத்தைப் பாருங்கள் உறுதியாக 50% வார்த்தை தெரியும்.

சரி இந்த past tense ல் சிலவற்றைச் சுலபமாகப் புரிந்து கொண்டேன், ஆனால் write – wrote, sleep – slept, eat – ate, drink – drank, sit – sat என மாற்றுவதில் எனக்குச் சிரமம் இருக்கிறது என உணருகிறீர்களா, ஒன்றும் சிரமம் இல்லை அந்த verb உடன் ed சேர்த்து எழுதலாம் ஆனால் அவ்வாறு எழுதுவது முறையை மாற்றி அமைக்கும் என்பதால் did write எனவும் எழுதலாம். write என்பதற்கு wrote என தெரியவில்லை என அச்சம் வேண்டாம் நமக்கு முன்பு தெரிந்தது போன்றே did என எழுதி அந்த verb யை அப்படியே எழுதவும். குறிப்பாக verb உடன் s, es ,ed எனச் சேர்த்து எழுதக் கூடாது மற்றும் இதைத் தவிர்க்க முடியாத நிலையில் உபயோகப்படுத்துவதில் தவறு இல்லை, முடிந்த வரை verb ன் second form யை பயன்படுத்துவது நல்லது.

Positive

• Question : Did he write? அவன் எழுதினானா?
• Answer : Yes, he wrote / Yes, he did write ஆம், அவன் எழுதினான்.

• Question : Did I sleep? நான் தூங்கினேனா?
• Answer: Yes, I did sleep ஆம், நான் தூங்கினேன்.

• Question : Did they eat? அவர்கள் சாப்பிட்டார்களா?
• Answer : yes, they ate ஆம், அவர்கள் சாப்பிட்டார்கள்.

Negative

• Question : Didn’t he sleep? அவன் தூங்கவில்லையா?
• Answer : No, he did sleep இல்லை, அவன் தூங்கிவிட்டான்.

• Question : Didn’t it go? அது போகவில்லையா?
• Answer : Yes, it didn’t go ஆம், அது போகவில்லை.

• Question : Yesterday, didn’t he write? நேற்று, அவன் எழுதவில்லையா?
• Answer : Yes, he didn’t write ஆம், அவன் எழுதவில்லை.

இவ்வளவு தான் நண்பா, Simple past tense ல் உள்ள அனைத்தையும் தெரிந்து கொண்டோம். மேலும் இதில் எவையேனும் விடுபட்டால். எனக்குக் கருத்து பலகை (Comment) மூலம் தெரிவியுங்கள் மற்றும் உங்களின் வலைப்பூவை (BLOG) எனக்கு மின்னஞ்சல்(Email) வழியாக அனுப்பிவிடுங்கள். நாம் simple past tense ல் மிக முக்கியமானவை Did மட்டுமே. அவற்றை முறையாகப் பேசி பழகி சில மணிநேரத்தை அர்ப்பணியுங்கள். மீண்டும் சந்திப்போம்.

English grammar basics in Tamil -1

வணக்கம் நண்பர்களே…

நாம் பார்க்க இருக்கும் இந்த வலைப்பூவில்(Blog) ஆங்கிலத்தில் எப்படி எழுதுவது, எப்படி உச்சரிப்பது, எப்படிப் பேசுவது போன்றவற்றைப் பற்றி நாம் பார்க்க இருக்கிறோம். இந்த வலைப்பூவில் முழுக்க முழுக்க ஆங்கிலம் என்றாலே பயம் என்பவர்க்கும், ஆங்கிலத்தில் ஒரு வாக்கியமும் (Sentence) எழுதத் தெரியாது என்பவர்க்கு (அ) தமிழ் வழியில்(Tamil Medium) பள்ளிக்கூட வாழ்க்கையை முடித்ததால் ஆங்கிலம் தெரியவில்லை என்று நினைப்பவர்க்கு மற்றும் மிக மிக அடித்தளத்தில் இருக்கும் நண்பர்களுக்கும், கிராமப் புற நண்பர்களுக்கும் எளிமையில் புரியும் வகையில் நான் எனது அனுபவத்தைப் பகிர்கின்றேன். நான் உறுதியாகக் கூறுகிறேன் தமிழைப் போன்றே ஆங்கிலமும் மிக எளிமையானது அதை நீங்கள் 100% நம்பலாம். இது எனது புதிய முயற்சி எவையேனும் மாற்றம் (அ) கருத்துகள் இருந்தால் கருத்து பலகை (Comment) மூலம் கருத்துகளைப் பதிவிடுங்கள்.

என்னால் முடியுமா?

ஒரே நாளில் சாதித்தவர்கள் என்று யாரும் கிடையாது. அனைவரும் பல நாட்கள், பல மணிநேரங்கள் அவர்களது இலக்கில் அர்ப்பணித்துத் தானே சாதனை படைத்திருப்பார்கள். அது போல நீங்களும் பல நாட்கள், பல மணிநேரங்கள் அர்ப்பணியுங்கள் என்று சொல்லமாட்டேன், ஒரு நாட்களுக்கு ஒரு மணிநேரம் அதாவது உங்கள் மனம் அமைதியாக இருக்கும் நிலையில் ஒரு மணிநேரம் அர்ப்பணியுங்கள். பின்பு தான் என்னால் முடியுமா என்ற கேள்விக்குப் பதில் உங்களிடமே கிடைக்கும். மற்றவர்கள் உன்னால் முடியும் என்று கூறுவதைவிட நம் மனதில் உருவாகும் நம்பிக்கைக்கு ஈடு இணையே இல்லை. அதை நான் உணர்ந்திருக்கிறேன். நீங்கள் அந்த சில மணிநேரம் கொடுத்தீர்களா என்பதை உங்களிடம் கேட்டுப் பாருங்கள்?

ஆங்கிலம் யாருக்குக் கடினம், யாருக்கு எளிமை?

ஆங்கிலம் கற்றல் என்பது யார்க்கு மிகமிக கடினம், யார்க்கு மிகமிக எளிமை என்பதைப் பார்த்தோமானால் ஒரு குழந்தைக்கு மிகமிக கடினம், ஏனென்றால் அந்த குழந்தைக்கு ஏற்கனவே ஒரு மொழி கூட தெரிந்து இருக்காது, அதனால் மற்றொரு மொழி கற்றல் என்பது மிக மிகக் கடினம். ஆனால் நமக்கு அத்தகைய கடினமில்லை ஏனென்றால் நமக்கு ஏற்கனவே மிகப் பெரிய மொழியான தாய்மொழி தமிழ் நமக்குத் தெரியும். தமிழுக்கு மற்றும் அல்ல யாருக்கு எல்லாம் ஒரு மொழி ஏற்கெனவே தெரிந்திருக்கிறதோ அவர்கள் மற்றொரு மொழி படிப்பதில் எந்தவித சிரமமும் இருக்காது.முதலில் நமது திட்டத்தைப் பற்றிப் பார்க்கலாம்…

ஆங்கிலத்திற்கு மிக மிக அடித்தலமாக இருப்பது Tenses எனப்படும். அவற்றைப் பற்றித் தெரிந்து கொள்வதற்கு அடிப்படியாகத் தெரிந்திருக்க வேண்டியவை சிலவற்றைக் காணலாம்.

1. Tenses
   1. Simple present
   2. Simple past
   3. Simple Future
   4. Present Continuous
   5. Past Continuous
   6. Future Continuous
   7. Present perfect
   8. Past perfect
   9. Future perfect
   10. Present perfect continuous
   11. Past perfect continuous
   12. Future perfect continuous
2. Sentence Patten
3. Active voice
4. Passive voice
5. Direct speech
6. Indirect speech
7. Simple,Complex,Compound

இவைதான் நாம் படிக்க இருக்கும் பொருளடக்கம் எனலாம். இதைத் தவிர்த்து ஆங்கிலத்தில் வேறு எதுவும் இல்லை. இப்போது பார்த்தால் Grammar இல்லாமலே நன்றாகப் பேசலாம், மற்றவர்கள் பேசுவதையும் புரிந்து கொள்ளலாம். இது யாருக்கு மிக முக்கியமாகத் தேவைப்படும் எனப் பார்த்தோமானால், கண்டிப்பாக  மின்னஞ்சல்(Email) எழுதுபவர்களுக்கும், எவையேனும் கட்டுரை(Essay) எழுதுபவர்களுக்கும் பயன்படும். நன்றாகப் பயிற்சி செய்பவர்க்கு ஆங்கிலம் மீது உள்ள அச்சமோ, வெறுப்போ கண்டிப்பாகக் குறையும்.

Simple Present Tense

முதலில் நாம் பார்க்க இருப்பது தமிழில் உள்ள சிறு வாக்கியத்தை எப்படி ஆங்கிலத்தில் மாற்றுவது எனப் பார்ப்போம்.

• நான் படிக்கிறேன்.
• நீ படிக்கிறாய்.
• நீங்கள் படிக்கிறீர்கள்.
• அவன் படிக்கிறான்.
• அவள் படிக்கிறாள்.
• அது படிக்கிறது.
• நாங்கள் படிக்கிறோம்.
• அவர்கள் படிக்கிறார்கள்.
• அவை படிக்கின்றன.

இப்போது மேலே உள்ளவற்றில் (நான்,நீ,நீங்கள்,அவன்,அவள்,அது,நாங்கள்,அவர்கள்,அவை) இவைகளுக்கு எல்லாம் ஆங்கிலத்தில் (I, You,Your,He,She,It,We,They) என்ன என்று தெரிந்திருக்கவேண்டும். படி என்பதற்கும் என்ன என்று தெரிந்திருக்கவேண்டும். இங்குப் பார்த்தோமானால் இரண்டு வார்த்தை உள்ளது அவற்றை இப்படி எழுதலாமா எனப் பாருங்கள்.

• நான் படிக்கிறேன். => படி + கிறேன்
• நீ படிக்கிறாய். => படி + கிறாய்
• நீங்கள் படிக்கிறீர்கள். => படி + கிறீர்கள்
• அவன் படிக்கிறான். => படி + கிறான்
• அவள் படிக்கிறாள். => படி + கிறாள்
• அது படிக்கிறது. => படி + கிறது
• நாங்கள் படிக்கிறோம். => படி + கிறோம்
• அவர்கள் படிக்கிறார்கள். => படி + கிறார்கள்
• அவை படிக்கின்றன. => படி + கின்றன

படி என்பதற்கு ஆங்கிலத்தில் (Study, Read) எனலாம். நாம் read என வைத்தோமானால் நான் படி, நீ படி, நீங்கள் படி எனச் சொல்ல முடியாது அல்லவா அப்போது எப்படிச் சொல்லவேண்டியது இருக்கும் நான் படிக்கிறேன், நீ படிக்கிறாய், நீங்கள் படிகிறீர்கள் என்று தானே சொல்லுவோம். படி எனத் தமிழில் எழுதுவதற்குத் தான் வினைச்சொல்(verb) என்று பெயர். கிறேன்,கிறாய் என உடன் எழுதுகிறோம் அல்லவா அதற்குத் துணை வினைச்சொல்(auxiliary verb) என்று பெயர்.

• படி – வினைச் சொல் => verb
• கிறீர்கள், கிறார்கள், கிறோம் – துணை வினைச்சொல் => auxiliary verb

இப்போது (நான்,நீ,நீங்கள்,அவன்,அவள்,அது,நாங்கள்,அவர்கள்,அவை) இவைகளுக்கு எல்லாம் ஆங்கிலத்தில் (I, You,Your,He,She,It,We,They) என்ன என்று தெரியும் மற்றும் படி என்பதற்கு read என்று தெரியும் அல்லவா. இதனுடன் (கிறீர்கள், கிறார்கள், கிறோம்) என்பதற்கும் ஆங்கிலத்தில் தெரிந்துவிட்டால் இன்று நமக்கு simple present tense முடிந்தது என அர்த்தம் அவை இன்னும் சில நிமிடங்களில் முடிந்து விடும்.

கிறீர்கள், கிறார்கள், கிறோம் என்பதற்கான auxiliary verb என்னவென்று பார்த்தோமானால் do மற்றும் does , இந்த do மற்றும் does உடன் verb சேர்த்தோமானால் முடிந்தது.

• do + read => read
• does + read => reads

இவ்வளவுதான் நண்பா இந்த read மற்றும் reads எங்கு எல்லாம் பயன் படுத்தவேண்டும் எனப் பார்த்தோமானால் I, We, You, They இவைகளுக்கு அப்படியே read என்றும் He, She, It இவைகளுக்கு மட்டும் reads என எழுதவும்.நீங்கள் உங்கள் note,pen எடுத்து நீங்கள் அந்த சில மணிநேரத்தை அர்ப்பணிக்கத் தொடங்குங்கள்.

• நான் படிக்கிறேன். => படி + கிறேன் => I read
• நீ படிக்கிறாய். => படி + கிறாய் => You read
• நீங்கள் படிக்கிறீர்கள். => படி + கிறீர்கள் => You read
• அவன் படிக்கிறான். => படி + கிறான் => He reads
• அவள் படிக்கிறாள். => படி + கிறாள் => She reads
• அது படிக்கிறது. => படி + கிறது => It reads
• நாங்கள் படிக்கிறோம். => படி + கிறோம் => We read
• அவர்கள் படிக்கிறார்கள். => படி + கிறார்கள் => They read
• அவை படிக்கின்றன. => படி + கின்றன => They read

இதே மாதிரி நீங்களும் எழுதிப் பாருங்கள். எதைப்பற்றி எழுதுவது எனத் தெரியவில்லையா நீங்கள் காலையில் எழுந்ததிலிருந்து இதுவரை என்ன செய்தீர்களோ அதை முதலில் தமிழில் அந்த verbயை மட்டும் எழுதுங்கள் பின்பு ஆங்கிலத்தில் அதை மாற்றுங்கள். (எ.கா) எழு, துலக்கு, குளி, மாற்று, சாப்பிடு, கழுவு, உட்கார், படி, போ, வாங்கு, திரும்பு, வை, பார், எடு, அனுப்பு, சிரி இங்கு உள்ள அனைத்திற்கும் உங்களுக்கு ஆங்கிலத்தில் தெரியும் அல்லவா.

அவ்வளவு தான் simple present tense முடிந்தது. ஒன்றுமே இல்லை அல்லவா He, She, It வந்தால் verb உடன் s சேருங்கள் என்று சுலபமாக முடித்திருக்கலாமே… என்று தானே நினைக்கிறீர்கள். அப்படி நினைத்தால் நீங்கள் சரியாக simple present tenseயை படித்து முடித்துவிட்டீர்கள். சரி எதற்காக do, does எனப் போட்டுக் குழப்புகிறீர்கள் என்று நீங்கள் நினைப்பது நியாயமான கேள்விதான். நீங்களும் சற்று சிந்தித்துப் பாருங்கள் இல்லை என்றால் ஏனென்று தெரிந்து கொள்ள English grammar basics in tamil – 2 வை பாருங்கள்.

தமிழின் நவீன சிறப்பு!!!

• டிஜிட்டல் மொழியாக அறிமுகம் செய்யப்பட்ட முதல் இந்திய மொழி நம் தமிழ்மொழி.
• சீனா வானொலியில் சைனீஸ்க்கு அப்புறம் தமிழில் வணக்கம் சொல்லுவது வழக்கம்.
• ஆங்கிலத்துக்கு பின் இணைய தளத்தில் அதிக வெப்சைட் மற்றும் பக்கங்களை உடையது தமிழ் மட்டுமே
• ரஷ்ய அதிபர் மாளிகையான “கிரெம்லின் மாளிகை” என்னும் பெயர் எழுதப்பட்ட நான்கு மொழிகளில் தமிழும் ஒன்று மற்ற மூன்று மொழிகள் ரஷ்ய, சீன, ஆங்கில மொழிகள்.
• உலகம் அழிந்து விட்டால் அடுத்த தலைமுறை படிப்பதற்காக பாதுகாக்கப்படும் நூல்களில் நம் தமிழின் திருக்குறள் புத்தகமும் ஒன்று உள்ளது.
• லண்டன் கேம்பிரிட்ஜ் பல்கலைக்கழகத்தில் தமிழ் மொழிக்கு என தனித்துறை உள்ளது
• இந்தியாவிலேயே முதன்முதலில் பரிசுத்த வேதாகமம் (பைபிள்) மொழி பெயர்க்கப்பட்டது நமது தமிழ் மொழியில் தான்.
• நயாகரா நீர்வீழ்ச்சியில் நம் தமிழ் மொழியிலும் வரவேற்பு பலகை வைக்கப்பட்டுள்ளது

ஒளியாக நீயிருப்பதால்

இருளைபற்றிய கவலை எனக்கில்லை…